لاہور(پاکستان پوائنٹ نیوز21۔ستمبر2016ء) وزیر اعلا پنجاب میاں شہباز شریف نے انتظامیا تے پولیس نوں رائے ونڈ مارچ لئی سکیورٹی دین دا حکم جاری کر دِتا۔ صوبائی وزیر قانون رانا ثناء اللہ نے دسیا کہ انتظامیا تے پولیس تحریک انصاف دے مارچ نوں پوری طرحاں سکیورٹی دیوے گی۔ صوبائی وزیر قانون دا کہنا سی کہ پاکستان مسلم لیگ (ن) دی حکومت جمہوری روایتاں تے اعلا اخلاقی قدراں نوں مَندی اے، اسیں احتجاج دے جمہوری حق دا احترام کردے ہوئے پی ٹی آئی نوں مارچ لئی بہترین سکیورٹی دیاں گے۔
رانا ثناء اللہ نے آکھیا کہ مسلم لیگ (ن) دے کارکن کسے قسم دے ردعمل دا وکھالا نہ کرن۔ اوہناں نے آکھیاپر پی ٹی آئی دی لیڈر شپ جلسیاں وچ جمہوری، سیاسی تے مشرقی قدراں نوں نظر وچ رکھے۔ اوہناں نے آکھیا کہ عمران خان دا توہین جوگ لہجا کارکناں نوں مشتعل کر سکدا اے۔ اوہناں نے آکھیا کہ عمران خان سیاسی تقریراں سکھن لئی نواز شریف دی شاگر بنن۔
