مردان(پاکستان پوائنٹ نیوز16۔اپریل2018ء) تحریک انصاف دے چیئرمین عمران خان نے آکھیا اے کہ اک تنظیم فوج خلاف گل کر رہی اے، اسیں فوج نال آں، ایہدے وچ فوج دا قصور نہیں فوج گھلن والیاں دا قصور اے، پاک فوج خلاف پختوناں نوں اُکسانا پاکستان خلاف دشمنی اے، ساڈی فوج اے تے اسیں محفوظ آں۔ اوہناں نے اج مردان وچ عوامی جلسے نال خطاب کردے ہوئے آکھیا کہ مردان دے تھوڑے وڈیرے تے بُہتے نوجواناں تے بالاں نوں سلام پیش کرنا واں۔
اپنے خطاب وچ اوہناں نے مولانا فضل الرحمان نوں تنقید دا نشانہ بناندے ہوئے آکھیا کہ مولانا آکھدا اے کہ عمران خان یہودیاں دی سازش اے۔مولانا تہاڈے ہوندے ہوئے یہودیاں دی سازش دی لوڑ نہیں اے۔ اوہناں نے آکھیا کہ مولانا صاحب مشرف ، زرداری تے نواز شریف سبھ نال فٹ ہو جاندا اے پر مولانا عمران خان نال نہیں آسکدا۔ کشمیر وچ ظلم ہو رہیا جدکہ کشمیر کمیٹی دا چیئرمین دنیا دے چکر لا رہیا اے۔
اوہناں نے آکھیا کہ 29تاریخ نوں میں ویکھنا چاہنا واں کہ ایتھوں کِنے لوک جان گے۔ مینار پاکستان اُتے 29اپریل نوں پاکستان دی تاریخ دا سبھ توں وڈا جلسہ ہوئے گا۔ اوہناں نے آکھیا کہ دھرنے وچ ملک بھر توں وڈی گنتی و چ لوک آئے۔ اسیں 126دن دا دھرنا دتا اوہ پاکستانی جمہوریت لئی سی۔ اوہناں نے آکھیا کہ مینار پاکستان سدن دا مقصد اک اے کہ ملک دے سارے لُٹیرے اکٹھے ہو گئے نیں۔اداریاں اُتے حملے کر رہے نیں۔سپریم کورٹ اُتے حملے کر رہے نیں۔ سپریم کورٹ دے جج دے گھر اُتے گولیاں چلائیاں گئیاں۔ عمران خان دا کہنا سی کہ اسیں فوج نال آں۔ پاک فوج خلاف پختوناں نوں اُکسانا پاکستان خلاف دشمنی اے۔ ساڈی فوج اے تے اسیں محفوظ آں۔
