کپتان نے مسلم لیگ (ن) دی وڈی وکٹ اُڈا دتی

ایم پی اے فیصل فاروق چیمہ نے تحریک انصاف وچ رلتی ہون دا اعلان کر دتا

کپتان نے مسلم لیگ (ن) دی وڈی وکٹ اُڈا دتی
 ایم پی اے فیصل فاروق چیمہ نے تحریک انصاف وچ رلتی ہون دا اعلان کر دتا

لاہور(پاکستان پوائنٹ نیوز16۔اپریل2018ء) کپتان نے مسلم لیگ (ن) دی وڈی وکٹ اُڈا دتی، مسلم لیگ (ن) دے ایم پی اے فیصل فاروق چیمہ نے تحریک انصاف وچ رلتی ہون دا اعلان کیتا اے، چیئرمین پی ٹی آئی عمران خان نے اوہناں دی پارٹی وچ رلت دا خیرمقدم کیتا۔ میڈیا رپورٹس مطابق مسلم لیگ (ن) دے ایم پی اے فیصل فاروق چیمہ نے اج چیئرمین تحریک انصاف عمران خان نال ملاقات کیتی۔

ملاقات دوران ملکی سیاسی صورتحال تے آؤندے الیکشن بارے وچار وٹاندرا کیتا گیا ۔ ایس موقعے تے فیصل فاروق چیمہ نے پی ٹی آئی دی اعلا قیادت اُتے اعتماد دا وکھالا کردے ہوئے پارٹی وچ رلت دا اعلان کر دتا۔ فیصل فاروق نے پی ٹی آئی وچ رلت دا اعلان عمران خان دی موجودگی وچ کیتا۔چیتے رہوے کہ فیصل فاروق چیمہ مسلم لیگ (ن) دے ٹکٹ اُتے سرگودھا پی پی 35توں رکن اسمبلی چُنے گئے ۔