اسلام آباد(پاکستان پوائنٹ نیوز19۔مارچ2018ء) چیف جسٹس نے دبنگ اعلان کردے ہوئے حکومت نوں وفاقی ہسپتالاں وچ تقریراں توں ڈک دتا، چیف جسٹس ثاقب نثار دا کہنا سی کہ نوکریاں دے کے ووٹر نہیں بنان دیواں گے۔ تفصیل مطابق چیف جسٹس نے دبنگ اعلان کردے ہوئے حکومت نوں وفاقی ہسپتالاں وچ تقریراں توں ڈک دتا اے۔ چیف جسٹس ثاقب نثار ہسپتالاں وچ سہولتاں دے کیس دی سنوائی کر رہے سن۔
اوہناں دا کہنا سی کہ عدلیہ دی مداخلت دے بغیر کم نہیں کیتے جاندے، ارکان اسمبلی کورم پورا نہیں کردے تے جلسیاں وچ چلے جاندے نیں۔ اسلام آباد دا سبھ توں وڈا ہسپتال سربراہ توں محروم اے پر کسے نوں پرواہ نہیں ۔ اوہناں د ا کہنا سی کہ حکومت وچ لوک نوکریاں دے کے الیکشن لڑنا چاہندے نیں۔ جو لوک نوکریاں لیندے نیں اوہ آپ ووٹر بن جاندے نیں تے ہن نوکریاں دے کے ووٹر نہیں بنن دیواں گے۔
