لاہور(پاکستان پوائنٹ نیوز19۔مارچ2018ء) چودھری نثار علی خان نے تحریک انصاف وچ رلت بارے اپنا فیصلا سنا دتا اے۔ تفصیل مطابق نجی ٹی وی چینل دے پروگرام وچ گل بات کردے ہوئے سابق وزیر داخلا تے (ن) لیگ دے سینئر رہنما چودھری نثار علی خان دا اک سوال دے جواب وچ کہنا سی کہ اوہ عمران خان دی قدر کردے نیں۔ عمران خان تے اوہناں دا تعلق طالب علمی دے زمانے توں اے،اوہ بہترین دوست نیں پر ساڈا 3ورھیاں توں کوئی رابطہ نہیں ہویا۔
چودھری نثار دا کہنا سی کہ پارٹی وچ رلت دی عمران خان دی دعوت دی قدر کردے آں پر ایس حوالے اجے کوئی جواب نہیں دیواں گے۔ چیتے رہوے کہ تحریک انصاف دے سربراہ عمران خان کئی موقعیاں تے سابق وزیر داخلا تے اپنے پرانے ساتھی چودھری نثار نوں اپنی جماعت وچ رلت دی دعوت دے چکے نیں۔
