اسلام آباد(پاکستان پوائنٹ نیوز17۔مارچ2018ء) وزیر اعظم شاہد خاقان عباسی نے نگران وزیراعظم لئی سابق سپیکر قومی اسمبلی سید فخر امام دا ناں تجویز کر دتا۔ میڈیا رپورٹس مطابق وزیر اعظم شاہد خاقان عباسی نے نگران وزیراعظم لئی سابق سپیکر قومی اسمبلی سید فخر امام دا ناں تجویز کر دے ہوئے لابنگ شروع کر دتی اے۔ پارٹی قائد نواز شریف تے پارٹی صدر شہباز شریف نال مشورے مگروں جے قیادت نے ہاں کیتی تے وزیر اعظم شاہد خاقان عباسی فخر امام دا ناں نگران وزیر اعظم لئی پیش کرن گے۔
ایس حوالے نال وزیر اعظم تے اپوزیشن لیڈر قومی اسمبلی سید خورشید شاہ وچکار وی رابطے جاری نیں پر دوواں ولوں اجے تیکر کوئی ناں نہیں دتا گیا۔ مسلم لیگ (ن) تے پیپلز پارٹی وچکار نگران وزیر اعظم بارے صلاح وی جاری اے۔ وسیلیاں مطابق وزیر اعظم شاہد خاقان عباسی اپنے قریبی ساتھیاں تے وزیراں نوں فخر امام دی حمایت لئی ذہنی طور اُتے تیار کر رہے نیں تاں جے فخر امام دا ناں نگران وزیر اعظم لئی نواز شریف تے شہباز شریف ساہمنے رکھیا جاسکے۔
