انسانی انگاں دا کاروبار خطرناک، حکومتاں کیوں مانیٹر نہیں کردیاں؟: چیف جسٹس

انسانی انگاں دا کاروبار خطرناک، حکومتاں کیوں مانیٹر نہیں کردیاں؟: چیف جسٹس

کراچی(پاکستان پوائنٹ نیوز17۔مارچ2018ء) چیف جسٹس پاکستان میاں ثاقب نثار نے گردیاں دی غیر قانونی ٹرانسپلانٹ بارے کیس وچ ریمارکس دتے کہ انسانی انگاں دا غیر قانونی کاروبار خطرناک صورتحال اے ایس کاروبار نوں چلان والے کون نیں؟کاروبار کرن والے ڈاکٹراں نوں کیوں نہیں گرفتار کیتا جاندا، حکومتاں کیوں مانٹیر نہیں کردیاں؟ ہفتے نوں سپریم کورٹ کراچی رجسٹری وچ چیف جسٹس ثاقب نثار دی سربراہی وچ جسٹس فیصل عرب تے جسٹس سجاد علی شاہ اُتے مشتمل تن رکنی بنچ نے گردیاں دی غیر قانونی ٹرانسپلانٹ بارے کیس دی سنوائی کیتی۔

سندھ انسٹی ٹیوٹ آف یورولوجی اینڈ ٹرانسپلاٹ دے ڈاکٹر ادیب رضوی عدالت وچ پیش ہوئے۔ چیف جسٹس پاکستان نے سنوائی دوران ڈاکٹر ادیب رضوی نوں آکھیا کہ سانوں گردیاں دی غیر قانونی ٹرانسپلانٹ نوں روکنا پئے گا، ڈاکٹر حضرات ساڈی مدد کرن۔ ڈاکٹر ادیب رضوی نے عدالت نوں د سیا کہ بہتر قانون سازی نہ ہون اُتے گردیاں دی پیوندکاری جاری اے تے غیر قانونی انگاں دی پیوندکاری وچ پاکستان دی گنتی اگلے نمبر اں اُتے ہوندی اے، غیر قانونی پیوندکاری روکن لئی سخت قانون بنان دی ضرورت اے۔

چیف جسٹس پاکستان نے ڈاکٹر ادیب رضوی توں پُچھیا کہ غیر قانونی انگاں دی ٹرانسپلانٹ روکن لئی چھیتی کیہ کیتا جا سکدا اے تے ایس حوالے نال تُسیں سانوں سفارشاں دیو اسیں کارروائی دا حکم دیواں گے۔ چیف جسٹس نے آکھیا کہ لاء جسٹس کمیشن موجود اے ایس معاملے اُتے اوہنوں وی فعال کراں گے۔ میڈیا اہم کردار ادا کر سکدا اے، میڈیا نوں آکھاں گے کہ اشتہاراں راہیں لوکاں وچ شعور جگان۔ایس موقعے تے چیف جسٹس پاکستان میاں ثاقب نثار نے ریمارکس دتے کہ انسانی انگاں دا غیر قانونی کاروبار اخطرناک صورتحال اے۔ایس کاروبار نوں چلان والے کون نیں؟کاروبار کرن والے ڈاکٹراں نوں کیوں نہیں گرفتار کیتا جاندا، حکومتاں کیوں مانٹیر نہیں کردیاں؟