جیکب آباد(پاکستان پوائنٹ نیوز12۔ستمبر2016ء) جیکب آباد وچ نواز وجاگیر دے علاقے وچ ہتھیار بند بندیاں نے گھر وچ وڑ کے فائرنگ کر دِتی۔ جہدے نتیجے وچ اک ای خاندان دے چار بندے ہلاک ہو گئے۔ تفصیل دے مطابق نوازو جاگیر دے دوالی پنڈ وچ ہتھیار بند بندیاں نے گھر وچ وڑ کے فائرنگ کیتی۔ فائرنگ دے نتیجے وچ پیو ، دو پُتر تے اک پُوتری ہلاک ہو گئی ۔ فائرنگ نال ہلاک ہون والیاں دی شناخت عبدالرشید، عنایت اللہ، ولی محمد تے سمیرا دے ناں نال کر لِتی گئی اے۔
وسیلیاں دے مطابق ہتھیار بند بندیاں دی گنتی 12 سی جہناں نے گھر وچ وڑ کے انھے واہ فائرنگ کیتی۔ اودھر ایس ایس پی ساجد حسین دا کہنا اے کہ فائرنگ دا واقعا پرانی دشمنی لگدا اے جہدے بارے تفتیش شروع کر دِتی گئی جدکہ پولیس نے ملزماں نوں گرفتار کرن لئی ٹیماں بنا دِتیاں نیں ، جہناں نوں جلدی گرفتار کر لِتا جائے گا۔
