عطااللہ عیسی خیلوی نے عمران خان نال اختلافات دیاں خبراں نوں رَد کر دِتا

کراچی(پاکستان پوائنٹ نیوز12۔ستمبر2016ء) مشہور گلوکار عطا اللہ عیسی خیلوی نے سوشل میڈیا اُتے وڈی عید دے موقع اُتے اک ویڈیو پیغام وچ آکھیا اے کہ پی ٹی آئی تے عمران خان نال اختلافات دیاں خبراں وچ کوئی صداقت نہیں ، میں اوہناں دی مذمت کرنا واں۔ تفصیل دے مطابق عطا اللہ عیسی خیلوی نے اپنے ویڈیو پیغام وچ اپنے چاہیواناں نوں عید دی مبارک باد دیندے ہوئے آکھیا اے کہ پی ٹی آئی تے عمران خان نال اختلافات دیاں خبراں صرف اخباری نیں جہناں دی میں مذمت کرنا واں۔ اوہناں دا کہنا سی کہ پی ٹی آئی توں وکھ ہون یاں عمران خان نوں چھڈ کے جان دا سوچ وی نہیں سکدا۔