مشہور اینکر اقرار الحسن شام اپڑ گئے

لاہور(پاکستان پوائنٹ نیوز13۔مارچ2018ء) پاکستان دے مشہور پرچا کار و اینکر اقرار الحسن شامی پناہ گزیناں دی مدد لئی شام اپڑ گئے۔ تفصیل مطابق ایس ویلے شام وچ بمباری دا سلسلا جاری اے۔ بمباری دے نتیجے وچ روز کئی سو مسلمان شہید ہو رہے نیں۔ پر اجیہے حالات وچ پاکستان دے مشہور پرچاکار و اینکر اقرار الحسن شام اپڑ گئے نیں۔ سماجی رابطے دی ویب سائٹ ٹویٹر اُتے ٹویٹ کردے ہوئے اقرار الحسن دا کہنا سی کہ میں ایس ویلے شام جا رہیا واں۔ ایہدے وچ کوئی شک نہیں کہ ایس ویلے شام وچ خانہ جنگی جاری اے پر حلب دے پناہ گزیناں تے اوہناں دے بالاں نوں ساڈی ضرورت اے۔ چیتے رہوے کہ ایس توں پہلاں اقرار الحسن برما دے مسلماناں دی آواز بنن لئی برما گئے سن۔