پشاور: دہشت گردی دا وڈا منصوبا ناکام بنا دِتا گیا،1 بندا گرفتار

پشاور(پاکستان پوائنٹ نیوز09۔ستمبر2016ء) پشاور وچ دہشت گردی دا منصوبا ناکام بنا دِتا گیا۔ پولیس نے مشکوک بندے نوں گرفتار کر کے بم برآمد کر لیا۔ تفصیل دے مطابق جمعے دے دیہاڑے پشاور پولیس نے دہشت گردی دا منصوبا ناکام بناندے ہوئے اک بندے نوں گرفتار کر لتا۔ پولیس نے مچنی گیٹ دے نیڑے مشکوک بندے نوں روکیا، تلاشی لین اُتے اوہدے بیگ وچ موجود دیسی ساختا بم برآمد کر لِتا گیا۔ پولیس نے بم ڈسپوزل یونٹ نوں موقع اُتے بُلایا جہنے بم نوں ناکارہ بنا دِتا۔ پولیس دے مطابق مشکوک بندے دا دوجا ساتھی فرار ہون وچ کامیاب ہو گیا جہدی تلاشی لئی حسن گڑھی تے مچنی گیٹ دے قریبی علاقیاں وچ پولیس تے سکیورٹی فورسز نے سانجھا آپریشن کیتا۔واقعے دے بعد علاقے وچ ہور سکیورٹی سخت کر دِتی گئی اے۔