لاہور(پاکستان پوائنٹ نیوز26۔فروری2018ء) مشہور پرچاکار ایاز میر دا کہنا اے کہ جدوں دی جسٹس(ر) جاوید اقبال نے نیب دی قیادت سنبھالی اے اودوں توں (ن) لیگ دے بُرے دن شروع ہو گئے سن۔ تفصیل مطابق مشہور پرچاکار و کالم نگار ایازا میر نے اک پروگرام وچ گل بات کردے ہوئے آکھیا کہ جدوں توں جسٹس (ر) جاوید اقبال نے نیب دی قیادت سنبھالی اے اودوں توں (ن) لیگ دے بُرے دن شروع ہو گئے سن۔
ایاز امیر د اکہنا سی کہ نیب دے چیئرمین دے عہدے لئی ہور وی ناں سن پر اتفاقیہ طور اُتے جاوید اقبال دا ناں ساہمنے آگیا تے اودوں توں (ن) لیگ دی کمبختی دے دن شروع ہو گئے۔ جاوید اقبال نے نیب دی قیادت سنبھالن مگروں سبھ توں پہلے آکھیا سی کہ جِنے وی پرانے کیس نیں اوہناں نوں نبیڑیا جائے۔ اوہناں دا کہنا سی کہ جدوں نیب نے احد چیمہ نوں آشیانہ ہاؤسنگ سکیم وچ کرپشن کرن دے الزام وچ گرفتار کیتا تے شہباز شریف نے اوسے ویلے پریس کانفرنس کیتی تے شہباز شریف اوس پریس کانفرنس وچ بے حال نظر آئے۔
ایاز میر دا کہنا سی کہ اینا رولا تے نواز شریف دی اناہلی اُتے وی نہیں پیا جِنا احد چیمہ دی گرفتاری اُتے ویکھن نوں آ رہیا اے۔نیب نے احمد چیمہ نوں گرفتار کر کے شہباز شریف دی دُکھدی رگ اُتے ہتھ رکھ دتا اے۔
