لاہور(پاکستان پوائنٹ نیوز23۔فروری2018ء) خیبرپختونخوا حکومت کُھسریاں نال وی ہتھ کر گئی۔ اوہناں لئی فنی تربیت تے اعزازیہ دا اعلان کر کے دو سال لنگھن مگروں کوئی کم نہیں کیتا گیا،خیبرپختونخوا وچ ایس سلسلے وچ کیتے گئے اعلان مگروں ایس منصوبے اُتے عملدرآمد ای نہیں ہو سکیا اے، اوہناں نے دو سال تیکر کُھسریاں نوں امید دوائی کہ اوہناں نوں دو ہزار مہینہ اعزازیہ دتا جائے گا۔
ترجمان پنجاب حکومت ملک محمد احمد خان نے آکھیا اے کہ خیبرپختونخوا وچ موجود سینکڑیاں کُھسریاں نوں فنی تربیت نہ ملی جہدا اعلان تے وعدہ کیتا گیا سی۔ کے پی کے حکومت نے جون 2016وچ کُھسریاں لئی 20کروڑ رُپئے دا اعلان کیتا۔ آدم شماری وچ گھٹ گنتی آن اُتے بعدوں 5کروڑ 77لکھ رُپئے دے فنڈز رکھے گئے جو بار بار لیپس ہوندے رہے۔ چالو ورھے اک کروڑ 80لکھ رُپئے رکھے گئے جہناں وچوں 90لکھ رُپئے وی جاری ہوگئے۔
