اج عمران خان مر جائے تے فواد چودھری ورگے بندیاں نوں کوئی جُتیاں وی نہ مارے: زعیم قادری

اج عمران خان مر جائے تے فواد چودھری ورگے بندیاں نوں کوئی جُتیاں وی نہ مارے: زعیم قادری

لاہور(پاکستان پوائنٹ نیوز23۔فروری2018ء) اج عمران خان مر جائے تے فواد چودھری ورگے بندیاں نوں کوئی جُتیاں وی نہ مارے۔تفصیل مطابق نجی ٹی وی چینل دے اک پروگرام وچ گل بات کردے ہوئے اک سوال دے جواب وچ پاکستان مسلم لیگ (ن) دے رہنما زعیم قادری نے پی ٹی آئی رہنما فواد چودھری نوں آکھیا کہ شریف خاندان وچ بہت لیڈر نیں پر اج عمران خان مر جائے تے فواد چودھری ورگے لوکاں نوں کوئی جُتیاں وی نہ مارے۔ جواب وچ پروگرام وچ بیٹھے پاکستان تحریک انصاف دے رہنما فواد چودھری نے آکھیا کہ نواز شریف مگروں پی ایم ایل این اک لیڈر لیس پارٹی بن جائے گی۔ جہدے مگروں زعیم قادری نے آکھیا کہ شریف خاندان وچ لیڈراں دی کمی نہیں اے۔ شریف خاندان وچ پارٹی نوں لیڈ کرن لئی میاں شہباز شریف، مریم نواز شریف تے حمزہ شہباز شریف نیں پر جے اج پاکستان تحریک انصاف دا رہنما عمران خان مر جائے تے فواد چودھری نوں کوئی جُتیاں وی نہیں مارے گا۔ زعیم قادری نے فواد چودھری نوں آکھیا کہ پوری دنیا نواز شریف نال اے۔ ایہناں لوکاں دے بولن نال کُجھ فرق نہیں پیندا۔