زینب قتل کیس: مجرم عمران علی نوں سزا سُنا دتی گئی

لاہور(پاکستان پوائنٹ نیوز17۔فروری2018ء) زینب قتل کیس دے مجرم عمران علی نوں چار وار سزائے موت دا حکم دے دتا گیا۔ میڈیا رپورٹس مطابق کوٹ لکھپت جیل وچ انسداد دہشت گردی دی اُچیچی عدالت دے جج جسٹس سجاد احمد نے زینب قتل کیس دی سنوائی کیتی۔ عدالت نے عمران علی نوں مجرم قرار دیندے ہوئے چار وار سزائے موت، عمر قید تے 20لکھ رُپئے جرمانے دی سزا سُنائی۔ عدالت نے عمران علی نوں زینب نوں اغوا کرن، زینب نوں جنسی زیادتی دا نشانہ بنان، زینب نوں قتل کرن تے 7اے ٹی اے دے تحت چار وار سزائے موت دا حکم دتا۔ زینب نال مندا کم کرن اُتے عمران نوں قید، 25لکھ رُپئے جرمانہ تے زینب دی لاش نوں کوڑے دے ڈھیر وچ سُٹن تے بے حرمتی اُتے 7سال دی قید دی سزا تے 10لکھ رُپئے جرمانے دی سزا سنائی۔