لاہور(پاکستان پوائنٹ نیوز16۔فروری2018ء) مسلم لیگ (ن) نے عائشہ گلالئی خلاف قانونی کارروائی دا اعلان کیتا اے۔ تفصیل مطابق تحریک انصاف دی منحرف رکن قومی اسمبلی عائشہ گلالئی ولوں لائے گئے الزاماں اُتے (ن) لیگ دی ترجمان و وفاقی وزیر مریم اورنگزیب ولوں ردعمل دا وکھالا کیتا گیا اے۔ (ن) لیگ نے عائشہ گلالئی دے الزاماں نوں رد کردے ہوئے اوہناں نوں شرمناک قرار دتا اے۔
(ن) لیگی رہنما ولوں عائشہ گلالئی خلاف قانونی کارروائی کرن دا اعلان وی کیتا گیا اے۔ (ن) لیگ نے عائشہ گلالئی توں مطالبہ کیتا کہ اوہ اوس بندے دا ناں دسن جہنے سینیٹ دے ٹکٹ دی آفر کیتی سی، نہیں تے اوہناں خلاف قانونی کارروائی کیتی جائے گی۔چیتے رہوے کہ عائشہ گلالئی نے اج اپنے بیان وچ آکھیا سی کہ (ن) لیگ نے مینوں اداریاں خلاف بولن اُتے سینیٹ دی ٹکٹ دین دی آفر کیتی پر میں اوہنوں رد کر دتا، کیونکہ اداریاں خلاف بولنا مکاری اے تے ایہ میرے نیڑے بغاوت دے زمرے وچ آؤندا اے۔
