مانسہرہ(پاکستان پوائنٹ نیوز16۔فروری2018ء) پاکستان مسلم لیگ (ن) دی مرکزی رہنما و سابق وزیر اعظم دی دھی مریم نواز نے آکھیا اے کہ دسو!پاکستانی آئین وچ گالھ کڈھن دی کوئی شق اے؟چیف جسٹس عمران خان والی زبان ورتن گے تے جواب وی ملے گا، عدالتی فیصلیاں وچ گالھ کیہ چُنے گئے وزیر اعظم دی توہین نہیں؟ ہن آکھدے ناں ای سی ایل وچ پا دیو، کدی آکھدے نواز شریف ملک اندر نہیں آ سکدا تے کدی آکھدے باہر نہیں جا سکدا، لودھراں نے اہل نوں نااہل تے نااہل نوں اہل کر دتا۔
اوہناں نے اج مانسہرہ وچ سوشل میڈیا کنونشن نال خطاب کردے ہوئے آکھیا کہ لوکائی نے نواز شریف نال محبت نوں عشق وچ بدل دتا اے۔ ایہ عشق ای اے، بھاویں جلسے ہون یاں اک دے بعد دوجا ضمنی الیکشن ہر لوکائی دی عدالت وچوں نواز شریف دے حق وچ فیصلا آیا اے۔ اجے دو دن پہلاں لودھراں دے واسیاں نے ایس طرحاں دا انصاف کیتا کہ اہل نوں نااہل تے نااہل نوں اہل کر دتا۔
پاناما تے لوکائی دی عدالت نے نواز دے شریف دے مخالفاں نوں سزا سنا دتی۔ اوہناں نے آکھیا کہ لوکائی دے فیصلیاں تے ووٹ نوں عزت دیو۔ مینوں خشی اے کہ نواز شریف دے منصف تے مدعی لوکائی بن گئی۔ نواز شریف دا فیصلا ہن عدالتاں نے نہیں بلکہ لوکائی نے کرنا اے۔ جے نواز شریف دا قصور رتی برابر وی ہوندا، پیسے دی چوری کیتی ہوندی تے اِنج فیصلے نہ آؤندے۔
اوہناں دا کہنا سی کہ درخاست دین والے خالی کرسیاں تے الیکشن وچ ہار کے لُک رہے نیں۔ اوہناں نے آکھیا کہ جہڑے لوکاں نے ’مجھے کیوں نکالا‘ دا مذاق بنایا اوہ اج آکھدے ہون گے کہ نواز شریف نوں کیوں کڈھیا۔ مریم نواز نے آکھیا کہ پُتر توں خیالی تنخاہ نہ لین اُتے چُنے گئے وزیر اعظم نوں دفتروں باہر کڈھ دتا گیا۔ اوہناں نے آکھیا کہ لوکائی دے ووٹ دی پرچی نوں پاڑ کے رد ی والی ٹوکری وچ سُٹ دیو۔
؟مریم نواز دا کہنا سی کہ چیف جسٹس عمران خان والی زبان ورتن گے تے جواب وی ملے گا۔ عدالتی فیصلیاں وچ گالھ کیہ چُنے گئے وزیر اعظم دی توہین نہیں؟ ہن آکھدے ناں ای سی ایل وچ پا دیو، کدی آکھدے نواز شریف ملک اندر نہیں آ سکدا تے کدی آکھدے باہر نہیں جا سکدا۔مریم نواز دا اپنے خطاب دوران کہنا سی کہ لودھراں نے اہل نوں نااہل تے نااہل نوں اہل کر دتا۔
