فوت ہون توں کُجھ سکینڈ پہلاں عاصمہ جہانگیر نواز شریف نال گل کر رہیاں سن

لاہور(پاکستان پوائنٹ نیوز12۔فروری2018ء) فوت ہون توں کُجھ سکینڈ پہلاں عاصمہ جہانگیر نواز شریف نال گل کر رہیاں سن۔ تفصیل مطابق مشہور قانون دان دا کہنا اے کہ نواز شریف عاصمہ جہانگیر نوں طلال چودھری دے توہین عدالت کیس لئی وکیل کرنا چاہندے سن۔ تفصیل مطابق مشہور قانون دان اعظم نذیر تارڑ نے عاصمہ جہانگیر بارے دسیا کہ عاصمہ جہانگیر دی حالت وِگڑن توں کُجھ دیر پہلاں اوہناں دی گل بات سابق وزیر اعظم نواز شریف نال ہوئی سی۔

نواز شریف طلال چودھری لئی عاصمہ جہانگیر نوں وکیل کرنا چاہندے سن۔ طلال چودھری اُتے ایس ویلے توہین عدالت دا جرم اے۔ نواز شریف نے ایس مقصد لئی عاصمہ جہانگیر نوں طلال چودھری تے سعد رفیق نال ملن دی وی ہدایت کیتی سی۔ اعظم نذیر تارڑ دا کہنا سی کہ عاصمہ مینوں فون اُتے آکھ رہیاں سن کہ تُسیں مینوں درخاست کر کے ہمیشہ مجبور کردے او۔ اعظم نذیر تاڑ نے آکھیا کہ میری عاصمہ جہانگیر نال آخری وار 12وجکے 45منٹ اُتے گل ہوئی سی۔ چیتے رہوے کہ پچھلے دیہاڑے مشہور قانون دان دل دے دورے پاروں لاہور دے نجی ہسپتال وچ چلانا کر گئیاں۔