کراچی(پاکستان پوائنٹ نیوز01۔فروری2018ء) کراچی وچ صوبائی وزیر دی موت دے حوالے نال مڈھلیاں تفصیلاں ساہمنے آئیاں نیں۔ مڈھلی تفتیش وچ انکشاف کیتا گیا اے کہ میر ہزار خان بجارانی نے بیوی نوں گولیاں مارن مگروں خدکشی کیتی۔ تفصیل مطابق اج میر ہزار خان بجارانی تے اوہناں دی بیوی دیاں لاشاں ڈیفنس وچ اوہناں دے گھروں ملیاں۔لاشاں نوں کمرے دا بوہا توڑ کے کڈھیا گیا۔
کمرے وچوں فائر دیاں آوازاں وی آئیاں سن۔ دوواں نوں گولیاں مار کے قتل کیتا گیا۔ صوبائی وزیر میر ہزار خان بجارانی دا تعلق پیپلز پارٹی توں اے۔اوہناں دی گنتی پیپلز پارٹی دے سینئر رہنماواں وچ ہوندی سی۔ صوبائی وزیر تے اوہناں دی بیوی دی پراسرار موت اُتے کئی طرحاں دیاں گلاں جاری سن ۔پر ہن پولیس دی مڈھلی رپورٹ وچ انکشاف کیتا گیا اے کہ میر ہزار خان بجارانی نے پہلے اپنی بیوی نوں گولیاں ماریاں تے فیر خدکشی کر لئی۔ ایس دوران ملازم گھر دے باہر موجود رہے۔ پولیس نے ہور تفتیش لئی وقوعے تے موجود ملازماں نوں گرفتار کر لیا اے۔
