مسلم لیگ (ن) دے رہنما رانا ثناء اللہ تے دانیال عزیز نوں وی توہین عدالت دا نوٹس جاری کیتے جان دا امکان

مسلم لیگ (ن) دے رہنما رانا ثناء اللہ تے دانیال عزیز نوں وی توہین عدالت دا نوٹس جاری کیتے جان دا امکان

اسلام آباد(پاکستان پوائنٹ نیوز01۔فروری2018ء) مسلم لیگ (ن) دے رہنما رانا ثناء اللہ تے دانیال عزیز نوں توہین عدالت دا نوٹس جاری کیتے جان دا امکان اے۔ تفصیل مطابق سپریم کورٹ نے توہین عدالت دے سلسلے وچ لیگی رہنماواں خلاف کارروائی شروع کر دتی اے۔ ایس سلسلے وچ (ن) لیگ دے نہال ہاشمی اُتے توہین عدالت ثابت کردے ہوئے اوہناں نوں پنج سال لئی نااہل تے اک مہینے جیل دی سزا سنائی گئی اے۔

پر ہن سپریم کورٹ نے توہین آمیز بیان دین اُتے (ن) لیگ دے رکن قومی اسمبلی طلال چودھری نوں وی توہین عدالت دا نوٹس جاری کردے ہوئے 6فروری نوں سد لیا اے۔ ایس حوالے نال پاکستان تحریک انصاف دے ترجمان فواد چودھری نے ردعمل دیندے ہوئے آکھیا کہ اے (ن) لیگ دے کئی رہنما سپریم کورٹ دی واچ لسٹ اُتے سن تے ہن وی نیں۔ طلال چودھری مگروں رانا ثناء اللہ تے دانیال عزیز نوں وی عدالت ولوں سدے جان دا امکان اے۔