اسلام آباد(پاکستان پوائنٹ نیوز30۔جنوری2018ء) حکومت نے اک وار فیر لوکائی اُتے پٹرول بم ڈیگن دی تیار کر لئی، اوگرا نے پٹرولیم وستاں دیاں قیمتاں وچ 12رُپئے74پیسے وادھے دی سمری تیار کر لئی اے۔ میڈیا رپورٹس مطابق وفاقی حکومت نے پہلی فروری توں پٹرولیم وستاں دیاں قیمتاں وچ وادھے دا فیصلا کیتا اے۔ اوگرا دی سمری مطابق مٹی دا تیل 12رُپئے74پیسے،ہائی سپیڈ ڈیزل10رُپئے25پیسے، لائٹ ڈیزل 11رُپئے 72پیسے تے پٹرول دی قیمت وچ 2رُپئے 998پیسے فی لیٹر وادھے دا امکان اے۔ اوگرا نے پٹرولیم وستاں دیاں قیمتاں وچ وادھے دی سمری وزارت خزانہ نوں گھل دتی اے۔
پہلی فروری توں پٹرولیم وستاں دیاں قیمتاں وچ 12رُپئے74پیسے وادھے دا امکان
6 سال پچھے
