لوکائی دا ووٹ دے تقدس تے عدل بحالی تحریک نال جُڑ جانا شروعات اے: مریم نواز

لاہور(پاکستان پوائنٹ نیوز22۔جنوری2018ء) مسلم لیگ (ن) دی مرکزی رہنما مریم نواز نے آکھیا اے کہ لوکائی دا ووٹ دے تقدس تے عدل بحالی تحریک نال جُڑ جانا اجے شروعات اے۔ میڈیا رپورٹس مطابق سابق وزیر اعظم نواز شریف دی دھی مریم نواز نے سماجی رابطے دی ویب سائٹ ٹویٹر اُتے اپنے پیغام وچ آکھیاکہ ساڈی تحریک ووٹ دے تقدس تے عدل بحالی دی تحریک اے۔ اوہناں نے آکھیاکہ لوکائی دا ایس کوشش نال جُڑنا اپنے نوع دی شاید پہلی مثال اے۔مریم نواز نے ہور آکھیاکہ اجے ایہ شروعات اے، جہدے وچ سمجھن والیاں لئی نشانیاں نیں۔ مریم نواز نے اپنے پیغام وچ اک ویڈیو وی جاری کیتی۔ ویڈیو وچ ہری پور دے کامیاب جلسے نوں وکھایا گیا اے۔