کانگو وائرس: حفاظتی اقدامات نہ کرن اُتے عدالت نے پنجاب سرکار توں جواب منگ لیا

لاہور(پاکستان پوائنٹ نیوز06۔ستمبر2016ء) لاہور ہائی کورٹ دے چیف جسٹس سید منصور علی شاہ نے کیس دی سنوائی کیتی۔ درخاست گزار اظہر صدیقی ایڈووکیٹ نے عدالت نوں دسیا کہ محکما صحت پنجاب نے کانگو وائرس دے کِھلار نوں روکن لئی موثر تے ٹھوس اقدامات نہیں کیتے، جدکہ جنوراں دی ویکسی نیشن نہ ہون پاروں شہریاں وچ کانگو وائرس کِھلرن دا خدشا اے۔ درخاست گزار نے عدالت توں درخاست کیتی کہ کانگو وائرس دی روک تھام تے بچاء لئی کیتے جان والے اقدامات دیاں تفصیلاں عدالت وچ طلب کیتیاں جان جدکہ کانگو وائرس وچ مبتلا بندیاں دا ریکارڈ وی عدالت و چ منگوایا جائے۔ جہدے اُتے عدالت نے پنجاب سرکار نوں 9 ستمبر لئی نوٹس جاری کردے ہوئے جواب منگیا اے۔