مستونگ(پاکستان پوائنٹ نیوز06۔ستمبر2016ء) بلوچستان دے ضلع مستونگ وچ فائرنگ دے دو واقعیاں وچ تن سکیورٹی اہلکار ہلاک ہو گئے۔ ہلاک ہون والیاں وچ دو پولیس اہلکار وی شامل سن جوکہ دوویں پیو پُتر سن۔ جہناں نوں نامعلوم ہتھیار بند بندیاں نے فائرنگ کر کے نشانا بنایا۔ مستونگ پولیس دے اک اہلکار نے ایس واقعے دی تصدیق کردے ہوئے دسیا کہ سب انسپکٹر عبداللہ تے اوہدا پُتر کانسٹیبل گل حسن ڈیوٹی دے بعد تھانے توں گھر جا رہے سن کہ راہ وچ نامعلوم موٹر سائیکل سواراں نے اوہناں اُتے حملا کیتا جہدے نتیجے وچ دوویں ہلاک ہو گئے۔
دوجے پاسے مستونگ ای دے دوالی علاقے کنڈاو وچ نامعلوم ہتھیار بند بندیاں نے لیویز فورس دے اک اہلکار نوں فائرنگ کر کے قتل کر دِتا۔ مستونگ انتظامیا دے اک اہلکار نے دسیا کہ لیویز فورس دے اہلکار نوں نامعلوم موٹر سائیکل سواراں نے نشانا بنایا۔
