قصور(پاکستان پوائنٹ نیوز16۔جنوری2018ء) زینب معاملے اُتے سیاست کرن والیاں نوں زینب دے والد محمد امین انصاری نے کراراجواب دے دتا۔ اوہناں دا کہنا سی کہ میری دھی دے معاملے اُتے جہنے سیاست کرنی اے اوہ میرے کول نہ آئے۔ تفصیل مطابق زینب واقعے مگروں پورے ملک وچ زینب نال یکجہتی دا وکھالا کردے ہوئے معصوم بالڑی اُتے ہون والے ظلم خلاف اواز چُکی گئی۔
کُجھ سیاستداناں ایس واقعے نوں غنیمت سمجھ کے حکومت خلاف نواں محاذ کھول دتا۔ ایس معاملے نوں سیاسی طور اُتے ورتن لئی زینب دے والد امین انصاری کول کُجھ سیاستداناں نے حاضری دتی۔ ایس سلسلے وچ پیپلز پارٹی دے رہنما چودھری منظور تے پاکستان عوامی تحریک دے رہنما بشارت زینب دے والد نال ملن قصور اپڑے۔ اوہناں نے امین انصاری نال ہرکھ مگروں اوہناں نوں 17جنوری نوں لاہور وچ ہون والے احتجاج وچ رلت دی دعوت دتی۔ امین انصاری نے نہ صرف دعوت نوں رد کیتا بلکہ اوہناں نوں دو ٹوک لفظاں وچ آکھیا جہنے سیاست کرنی اے اوہ مہربانی کر کے میرے کول نہ آئے۔
