لاہور(پاکستان پوائنٹ نیوز16۔جنوری2018ء) وزیراعظم شاہد خاقان عباسی دا کہنا اے کہ پارٹی قیادت دے آکھن اُتے اسمبلی تحلیل کراں گا۔ تفصیل مطابق وزیراعظم شاہد خاقان عباسی نے نجی ٹی وی چینل نال گل بات کردے ہوئے آکھیا اے کہ اوہ کسے دے دباء اُتے کدی اسمبلی تحلیل نہیں کرن گے۔ شاہد خاقان عباسی دا کہنا اے کہ اوہناں دی رائے وچ سینیٹ الیکشن تے پارلیمنٹ نوں کسے قسم دا کوئی خطرہ نہیں اے۔
اوہناں نوں یقین اے کہ الیکشن جولائی وچ ای ہون گے جدکہ سینیٹ الیکشن ملتوی ہون دا وی کوئی امکان نہیں اے۔ اوہناں دا کہنا اے کہ سینیٹ الیکشن وی اپنے متھے ویلے ہون گے۔ وزیر اعظم دا ہور کہنا اے کہ اوہناں اُتے قومی اسمبلی نوں تحلیل کرن دے حوالے نال کوئی دباء نہیں اے۔ اوہ قومی اسمبلی صرف اپنی پارٹی قیادت دے حکم اُتے ای تحلیل کرن گے۔
