لاہور(پاکستان پوائنٹ نیوز08۔جنوری2018ء) عوامی تحریک نے حکومت خلاف 17جنوری توں ملک بھر وچ احتجاجی تحریک شروع کرن د ااعلان کر دتا اے۔میڈیا رپورٹس مطابق عوامی تحریک دی سٹیرنگ کمیٹی دا اج لاہور وچ اجلاس ہویا۔ اجلاس وچ وزیر اعلا پنجاب تے رانا ثناء اللہ دے استعفیاں بارے جائزہ لیا گیا۔ اجلاس وچ تحریک چلان بارے حکمت عملی دا وی جائزہ لیا گیا۔طاہر القادری نے آکھیاکہ کل 7جنوری نوں ڈیڈ لائن ختم ہو گئی پر استعفے دین دامطالبہ پورا نہیں ہویا۔
ہن گل صرف استعفے تیکر نہیں بلکہ پوری حکومت دا خاتمہ ہوئے گا۔ اوہناں دا کہنا سی کہ حکمراناں توں اک اک جرم دا حساب لواں گے۔ ڈاکٹرطاہر القادری نے ملک گیر تحریک چلان لئی ایکشن کمیٹی وی بنا دتی اے۔ ایکشن کمیٹی دا پہلا اجلاس 11جنوری نوں ہوئے گا۔ اوہناں نے آکھیا کہ احتجاج سنے سارے امور ایکشن کمیٹی ویکھے گی۔ اوہناں نے آکھیا کہ تحریک وچ رلت لئی آصف زرداری، عمران خان، مصطفی کمال تے چودھری شجاعت نوں وی دعوت دے دتی اے۔
