پشاور(پاکستان پوائنٹ نیوز08۔جنوری2018ء) پشاور ہائی کورٹ نے کالعدم تحریک نفاذ شریعت محمدی دے امیر مولانا صوفی محمد دی ضمانت اُتے رہائی دا حکم جاری کر دتا اے، عدالت نے مولانا صوفی محمد دی ضمانت درخاست منظور کردے ہوئے اوہناں نوں 7لکھ رُپئے دے مچلکے جمع کروان دا حکم دتا، مولانا صوفی محمد نوں 4مارچ 2010نوں حکومت خلاف تقریرتے ہور مقدمیاں وچ گرفتار کیتا گیا سی۔
میڈیا رپورٹس مطابق مولانا صوفی محمد بارے کیس دی پشاور ہائی کورٹ وچ سنوائی ہوئی۔ سنوائی دوران پشاور ہائی کورٹ دے جسٹس وقار احمد سیٹھ نے مولانا صوفی محمد دی رہائی دا حکم جاری کیتا۔ مولانا صوفی محمد نوں 7لکھ رُپئے دے مچلکے جمع کروان دا حکم وی دتا گیا۔ مولانا صوفی محمد اُتے تھانا کبل تے تھانا سیدو شریف وچ دو مقدمے درج نیں۔ چیتے رہوے کہ30جولائی 2009نوں مولانا صوفی محمد اُتے ایف آئی آر درج ہوئی سی جدکہ مولانا صوفی محمد نوں چار مارچ2010نوں حکومت خلاف تقریر تے ہور مقدمیاں وچ گرفتار کیتا گیا سی۔ مولانا صوفی محمد نے ضمانت لئی ہائی کورٹ وچ درخاست جمع کروائی۔
