اسلام آباد(پاکستان پوائنٹ نیوز06۔جنوری2018ء) مشہور پرچا کار حامد میر دا کہنا اے کہ بلوچستان دی صورتحال دا اثر پنجاب اُتے پئے گا، مسلم لیگ(ن) سینیٹ وچ اکثریت تے لے لئے گی پر ڈر اے کہ اوہ اک دو سیٹاں نہ جِت سکے، پنجاب اسمبلی دے ارکان تے صوبائی وزیر اں تک ایس ویلے نواز شریف تے شہباز شریف نال ناراض نیں۔ ایہناں خیالاں دا اظہار اوہناں نے نجی ٹی وی چینل اُتے گل بات دوران کیتا۔
نجی ٹی وی چینل دے پروگرام وچ گل بات کرد ے ہوئے حامد میر دا کہنا سی کہ جے سینیٹ دا الیکشن ہویا تے عام الیکشن وی ہون گے۔عالم الیکشن وچ وڈی تے اہم رکاوٹ انتخابی بل سی ، جہدی منظوری وچ پیپلز پارٹی نے اہم کردار ادا کیتا اے۔ اوہناں دا کہنا سی کہ جے پیپلز پارٹی نے مسائل پیدا کرنے ہوندے تے اوہ کر سکدی سی پر اوہنے انج نہیں کیتاجو اک چنگی گل اے۔
حامد میر نے آکھیا کہ پیپلز پارٹی دی تھاں (ن) لیگ ہوندی تے شاید اینے وڈے دل دا وکھالا نہ کردی۔ مشہور پرچا کارا نے آکھیاکہ الیکشن نیڑے آن اُتے میاں نواز شریف دا لہجہ ہور سخت ہو جائے گا۔ کُجھ دن پہلے پریس کانفرنس وچ میاں صاحب نے اسٹیبلشمنٹ اُتے سِدھے الزام لائے نیں۔ حامد میر نے اپنی گل بات دوران آکھیا کہ نواز شریف نوں الزاماں دی سیاست نال فائدہ نہیں ہوئے گا۔ اوہناں دا کہنا سی کہ جے بلوچستان وچ تبدیلی آ گئی تے کوئی نواں وزیر اعلا آگیا تے یقینن نواز شریف دا نہیں ہوئے گا۔ بلوچستان دی سیاسی صورتحال دا پنجاب تے ہور صوبیاں اُتے وی اثر پئے گا۔ حامد میر دا کہنا سی کہ جے اجیہی صورتحال وچ مسلم لیگ (ن) نوں پنجاب اسمبلی وچ اپنے ارکان نوں سنبھالنا مشکل ہو جائے گا۔
