لاہور(پاکستان پوائنٹ نیوز30۔دسمبر2017ء) پاکستان و بھارتی کرکٹ ٹیماں جدوں وی میدان وچ آؤندیاں نیں تے دوواں ملکاں دے شہری اپنیاں اپنیاں ٹیماں نوں سپورٹ کرن لئی آخری حد تیکر جان لئی تیار ہو جاندے نیں۔ اک پاسے جتھے بھارتی ٹیم نے ویرات کوہلی دی قیادت دوران 2017وچ ون ڈے کرکٹ وچ چنگا کھیڈ پیش کیتا اے اوتھے قومی ٹیم نے سرفراز احمد دی قیادت وچ سبھ نوں حیران کردے ہوئے چیمپئنز ٹرافی دا ٹائٹل پہلی وار اپنے ناں کیتا۔
سابق آسٹریلوی اوپنر میتھیو ہیڈن، سابق سری لنکن آل راؤنڈر رسل آرٹلڈ و سابق بھارتی بلے باز وی وی ایس لکشمن نوں ویرات کوہلی، اے بی ڈویلیئرز، این مورگن تے سرفراز احمد وچوں کسے اک نوں 2017دا بہترین کپتان چُنن دا آکھیا گیا، رسل آرنلڈ نے سرفراز احمدتے میتھیو ہیڈن نے ویرات کوہلی دے حق وچ ووٹ دتا جہدے مگروں ساریاں دیاں نظراں وی وی ایس لکشمن ول لگ گئیاں جہناں نے چھیتی ای سرفراز دا ناں لیند ے ہوئے آکھیا کہ جس طرحاں سرفراز احمد نے اپنیاں صلاحتاں دے نتیجے وچ چیمپئنز ٹرافی جتوائی‘ اوہی 2017دے بہترین کپتان اکھوان دے حقدار نیں۔
