لاہور(پاکستان پوائنٹ نیوز12۔دسمبر2017ء) آل پاکستان مسلم لیگ دے سربراہ و سابق صدر جنرل (ر) پرویز مشرف دا کہنا اے کہ سی پیک میرا آئیڈیا سی جو 2004وچ شروع ہویا۔ اوہناں نے آکھیاکہ حکومت نوں گھر گھلن لئی سپریم کورٹ عبوری حکومت نوں اختیار دیوے کہ اوہ آئین وچ ترمیم کرے، سینیٹ الیکشن نہیں ہونے چاہیدے نہیں تے ملک دا بیڑا غرق ہو جائے گا، پیپلز پارٹی دی لیڈر شپ نے ملک نوں دوویں ہتھاں نال لُٹیا، عمران خان نال ٹُرن لئی تیار آں۔
سابق صدر جنرل (ر) پرویز مشرف نے نجی ٹی نوں اُچیچا انٹرویو دیندے ہوئے مطالبہ کیتا اے کہ سپریم کورٹ نوں چاہیدا کہ اوہ حکومت نوں ہٹا دیوے۔ حکومت نوں گھر گھلن لئی آئینی طریقہ کڈھنا پئے گا۔ اوہناں دا کہنا سی کہ سپریم کورٹ عبوری حکومت نوں اختیار دیوے کہ اوہ آئین وچ ترمیم کرے۔ اوہناں نے آکھیاکہ لوکائی نوں ایہ حکومت قبول نہیں۔ حکومت نوں چاہیدا کہ اسمبلیاں توں استعفے دے کے گھر چلی جائے۔
پرویز مشرف نے انکشاف کیتا کہ سی پیک میرا آئیڈیا سی جو 2004وچ شروع ہویا۔ جنرل (ر) پرویز مشرف نے آکھیاکہ ماڈل ٹاؤن دُکھانت اُتے طاہر القادری نال آں پر زرداری دی موجودگی وچ طاہر القادری نال کنٹینر اُتے کھلونا ممکن نہیں۔اوہناں دا کہنا سی کہ سینیٹ الیکشن نہیں ہونے چاہیدے نہیں تے ملک دا بیڑا غرق ہو جائے گا۔پرویز مشرف نے اپنے انٹرویو دوران آکھیا کہ پیپلز پارٹی دی لیڈر شپ نے ملک نوں دوویں ہتھاں نال لُٹیا۔ عمران خان نال ٹُرن لئی تیار آں۔
