راولپنڈی(پاکستان پوائنٹ نیوز12۔دسمبر2017ء) چیف آف آرمی سٹاف جنرل قمر جاوید باجوہ نال فلسطینی سفیر ولید ابو علی نے ملاقات کیتی، ملاقات دوران دو پاسی تعلقات و سانجھے امور بارے وچار وٹاندرا کیتاگیا۔ آئی ایس پی آر مطابق آرمی چیف جنرل قمر جاوید باجوہ نال فلسطینی سفیر نے جی ایچ کیو وچ ملاقات کیتی۔ ایس موقعے تے فلسطینی سفیر نے آکھیا کہ فلسطین پاکستان دے تعاون دا شکر گزار اے۔
آرمی چیف جنرل قمر جاوید باجوہ نے آکھیا کہ کشمیر دے مسئلے وانگ فلسطین اُتے وی اِکو موقف رکھدے آں۔ اوہناں دا کہنا سی کہ پاکستان فلسطین دی سیاسی، سفارتی تے اخلاقی حمایت جاری رکھے گا۔ آرمی چیف نے ہور آکھیا کہ پاکستان کشمیر ایشو دے نال نال فلسطین دے مسئلے دا وی حل چاہندا اے۔ یاد رہوے کہ یروشلم نوں اسرائیلی دارالحکومت منن خلاف دنیا بھر وچ مسلم ملک احتجاج کر رہے نیں۔ایس سلسلے وچ پاکستان نے وی اپنا احتجاج ریکارڈ کروایا اے۔
