سمندری طوفان ’اوکھی‘ دے بحیرہ عرب وچ داخل ہون دی پیشنگوئی

کراچی(پاکستان پوائنٹ نیوز02۔دسمبر2017ء) محکمہ موسمیات نے بھارتی ریاست تامل ناڈو تے کیرالا وچ تباہی مچان والے سمندری طوفان ’اوکھی‘ دے بحیرہ عرب وچ داخل ہون دی پیشنگوئی کیتی اے۔ محکمہ موسمیات نے ’اوکھی‘ دے بحیرہ عرب وچ داخل ہون دی پیشنگوئی کردے ہوئے دسیا کہ سمندری طوفان ایتوار نوں بحیرہ عرب دے جنوب مشرق وچ داخل ہو ئے گا۔ محکمہ موسمیات مطابق طوفان دے اثرات کراچی، ٹھٹھہ تے بدین وچ 3تے 4دسمبر نوں بدلاں دی صورت وچ نظر آن گے جدکہ چار دسمبر نوں اوہدی شدت گھٹ ہونا شروع ہو جائے گی۔ محکمہ موسمیات دا ہور کہنا سی کہ’ اوکھی‘ طوفان نال پاکستان دا کوئی وی حصہ سِدھا متاثر نہیں ہوئے گا۔