اسلام قبول کرنا میرے لئی خش بختی اے، حضرت محمدﷺ وڈے انقلابی لیڈر نیں: مانڈلا منڈیلا

لاہور(پاکستان پوائنٹ نیوز02۔دسمبر2017ء) جنوبی افریقہ دے رکن پارلیمنٹ و سابق صدر نیلسن منڈیلا دے پُوترے مانڈلا منڈیلا نے آکھیا اے کہ اسلام قبول کرنا میرے لئی خش بختی اے، پاکستان آنا تے ختم نبوت کانفرنس وچ رلت کرنا میرے لئی اعزاز اے، اسلام امن پسند دین اے تے حضرت محمدﷺ وڈے انقلابی لیڈر نیں۔ ایہناں خیالاں دا اظہار اوہناں نے تحریک منہاج القرآن دے آہر ہیٹھ ہون والی ختم نبوت کانفرنس نال خطاب کردے ہوئے کیتا۔ اوہناں نے آکھیا کہ کشمیریاں نوں اوہناں دا حق ملنا چاہیدا جدکہ فلسطینی مسلماناں نوں وی آزادی ملنی چاہیدی۔ اوہناں نے آکھیا کہ اسلام امن پسندی دا دین اے۔ سانوں نبیﷺ دیاں تعلیمات نوں عام کرنا پئے گا۔