لاہور(پاکستان پوائنٹ نیوز30۔نومبر2017ء) حساس اداریاں ولوں اہم خط جاری کیتا گیا اے۔ خط وچ آکھیا گیا اے کہ کالعدم تنظیم القاعدہ دے دہشت گرداں نے ائر پورٹس اُتے مسافراں نوں نشانہ بنان بارے منصوبہ بندی کر لئی اے۔ قومی اخبار مطابق دہشت گرد پاکستان وچ افغانستان توں داخل ہو گئے نیں تے اوہناں وچوں اک گروپ نے کسے وی ائر پورٹ نوں دہشت گردی دا نشانہ بنان دی منصوبہ بندی وی کر لئی اے۔
دہشت گرد ائر پورٹس اُتے موجود حساس تھاواں‘ ہوائی جہازاں تے غیر ملکی مسافراں اُتے حملا کر سکدے نیں۔ وسیلیاں دا کہنا اے کہ پاکستان دے دوست ملکاں توں آن والے غیر ملکیاں دی وجہ توں رحیم یار خان ائر پورٹ دہشت گرداں دی ہٹ لسٹ اُتے اے۔ایس لئی حساس اداریاں ولوں صوبے بھر وچ سکیورٹی انتظامات نوں فل پروف بنان دا حکم جاری کردتا گیا اے۔
