لاہور(پاکستان پوائنٹ نیوز30۔نومبر2017ء) جنوبی افریقہ دے سابق صدر و مشہور انقلابی شخصیت نیلسن منڈیلا دے پُوترے مانڈلا منڈیال اج لاہور پہنچے گئے نیں۔ تفصیل مطابق اسلام قبول کرن مگروں مانڈلا منڈیلا دا ایہ پہلا پاکستانی دورا اے۔ مانڈلا تن دن پاکستان وچ رہن گے۔ لاہور آمد اُتے میڈیا نال گل بات کردے ہوئے مانڈلا منڈیلا نے آکھیا کہ پاکستان آ کے بہت خش آں۔
اوہناں دا کہنا سی کہ اسلام نے میری زندگی تے شخصیت بدل دتی اے۔ عالمی میلاد کانفرنس وچ رلت کرنا میرے لئی فخر دی گل اے۔ میں کم دے نال نال امن دا پیغام لے کے پاکستان آیا واں۔مانڈلا دا کہنا سی کہ میرے دادے نے اسلام دے حوالے نال پڑھیا تے آکھیا کہ اسلام دنیا بھر وچ امن دا پیغام کھلارن دا ذریعہ اے۔ میں پاکستانیاں ولوں ملن والی محبت اُتے بہت خش آں۔ میڈیا نال گل بات کردے ہوئے اوہناں اپنی خاہش دے اظہار کردے ہوئے آکھیا کہ پاکستان تے جنوبی افریقہ دے لوک کرکٹ دے چاہیوان نیں۔ میری خاہش اے کہ میں دوویں ملکاں وچکار کرکٹ نوں ودھوتری دین وچ کردار ادا کراں۔
