گوادر(پاکستان پوائنٹ نیوز(01۔ستمبر2016ء) وفاقی وزیر جہاز رانی و بندرگارہ میر حاصل خان بزنجو نے آکھیا اے کہ سی پیک پاکستان لئی خاص کر بلوچستان لئی گیم چینجر ہووے گا، بلوچ لوکائی نے ہمیشا پاکستان دی ترقی تے خشحالی وچ کردار ادا کیتا اے، بلوچستان دی لوکائی علاقے وچ ترقی تے خشحالی چاہندے نیں۔ ایہناں خیالاں دا اظہار اوہناں نے گوادر وچ مختلف منصوبیاں دے افتتاح دی تقریب نال خطاب کردے ہوئے کیتا۔
اوہناں نے آکھیا کہ گوادر وچ ترقیاتی منصوبیاں دا افتتاح تواریخی حیثیت رکھدا اے، گوادر پورٹ وزیراعظم محمد نواز شریف دے وژن دی عکاس اے۔ اوہناں نے آکھیا کہ ہر پاکستانی نوں یقین اے کہ اقتصادی راہداری منصوبا ملک لئی خاص کر بلوچستان لئی گیم چینجر ہووے گا۔ اوہناں نے آکھیا کہ بلوچ لوکائی نوں نظر انداز نہیں کیتا جا سکدا، اوہناں نے ہمیشہ پاکستان دی ترقی لئی کردار ادا کیتا۔ بلوچستان دی لوکائی علاقے وچ ترقی تے خشحالی چاہندی اے۔ اقتصادی راہداری بلوچ عوام دا مطالبا اے۔ اوہناں نے آکھیا کہ گوادر چار وڈے ٹاؤنز اُتے مشتمل اے، آمریت دے دور وچ قومی مفاد نوں ہمیشا نقصان پہنچایا گیا۔ اوہناں دا کہنا سی کہ اصل وچ گوادر ای اقتصادی راہداری اے تے اقتصادی راہداری ای گوادر اے۔
