اسلام آباد(پاکستان پوائنٹ نیوز(01۔ستمبر2016ء) ترجمان دفتر خارجا نفیس زکریا نے آکھیا اے کہ وزیر اعظم نواز شریف نے اقوام متحدہ دے سیکرٹری جنرل نوں خط لکھیا اے۔ ایہ خط وزیراعظم نواز شریف دے پچھلے خط دا تسلسل اے، جہدے وچ مقبوضہ کشمیر وچ تحقیقاتی کمیشن گھلن دا مطالبا کیتا گیا اے۔ خط وچ بھارتی فوجیاں دے ظلم تے انسانی حقاں دی خلاف ورزیاں نوں اُجاگر کیتا گیا اے۔
خط وچ آکھیا گیا اے کہ آزادکشمیر دی صورتحال دا مقبوضہ کشمیر وچ مقابلا نہیں کیتا جا سکدا ۔ خط وچ ایہ وی آکھیا گیا اے کہ اقوام متحدہ کمیشن آزاد کشمیر وچ صورتحال دا جائزہ لین آ سکدا اے۔ میڈیا نوں ہفتا وار بریفنگ دیندے ہوئے ترجمان دفتر خارجا نے دسیا کہ ینگ پارلیمنٹیرینز فورم کشمیر دی صورتحال اُتے کم کر رہیا اے، وزیر اعظم دے چُنے گئے اُچیچے نمائندے کشمیر وچ ہون والے ظلماں نوں اُجاگر کرن گے تے کشمیر مسئلے دیاں قرارداداں دے مطابق حل کرن دی گل کرن گے۔
