خیبرایجنسی(پاکستان پوائنٹ نیوز22۔نومبر2017ء) پاک افغان سرحد اُتے افغانستان دی حدود وچ ڈرون حملا ہویا اے، حملے دے نتیجے وچ اک دہشت گرد ہلاک تے تن زخمی ہو گئے۔ میڈیا رپورٹس مطابق امریکی فورسز ولوں پاک افغان سرحد نیڑے افغانستان دی حدود وچ دہشت گرداں دے ٹھکانیاں نوں ڈرون حملیاں نال نشانہ بنان دا سلسلا جاری اے۔ امریکی فوج نے اک وار فیر افغانستان وچ برامچا دے علاقے کلی عزیز وچ ڈرون حملا کیتا اے۔
حملے وچ دو گھر تے اک گڈی نوں نشانہ بنایا گیا۔حملے دے نتیجے وچ نشانہ بنن والے گھر افغان لارڈز دے نیں۔ غیر ملکی میڈیا مطابق حملے وچ اک دہشت گرد ہلاک تے تن زخمی ہون دی اطلاع اے۔ ڈرون حملے وچ ہلاک تے زخمی ہون والے بندے دی اجے سیہان نہیں ہوسکی۔ دوجے پاسے برامچا وچ افیم دی کاشت خلاف افغان فورسز دا آپریشن وی جاری اے۔
