اسلام آباد(پاکستان پوائنٹ نیوز22۔نومبر2017ء) راجا ظفر الحق کمیٹی دی رپورٹ دیاں کُجھ تفصیلاں مبینہ طور اُتے لیک ہو گئیاں نیں۔ تفصیل مطابق ختم نبوتﷺ قانون وچ ترمیم دے معاملے اُتے راجا ظفر الحق کمیٹی دی رپورٹ دیاں کُجھ تفصیلاں مبینہ طور اُتے لیک ہو گئیاں نیں۔ قومی اخبار دی رپورٹ وچ دعوا کیتا گیا اے کہ راجا ظفر الحق کمیٹی نے سارے معاملے وچ وفاقی وزیر زاہد حامد نوں اکلا قصور وار قرار نہیں دتا۔
رپورٹ وچ زاہد حامد دی بجائے پوری انتخابی اصلاحات کمیٹی تے ساریاں سیاسی جماعتاں دی 34رکنی پارلیمانی کمیٹی نوں ذمے وار قرار دتا گیا اے۔ رپورٹ وچ دسیا گیا اے کہ کاغذات نامزدگی دا فیصلا پہلاں 15رکنی ذیلی کمیٹی تے فیر بعدوں 34رکنی پارلیمانی کمیٹی نے کیتا۔ کمیٹیاں وچ ساریاں جماعتاں دے نمائندے رلتی سن۔ ایہناں سیاسی جماعتاں وچ تحریک انصاف‘ پیپلز پارٹی‘ جماعت اسلامی‘ ایم کیو ایم‘ مسلم لیگ (ق) تے جے یو آئی (ف) وی شامل اے۔
