اسلام آباد(پاکستان پوائنٹ نیوز09۔نومبر2017ء) تحریک انصاف دے رکن قومی اسمبلی داور کنڈی نے پارٹی چیئرمین عمران خان نوں علی امین گنڈا پور خلاف خط لکھیا اے، داورکنڈی نے خط وچ الزام لایا کہ ڈی آئی خان وچ کُڑی نوں برہنہ کرن والیاں دی علی امین سرپرستی کر رہے نیں۔ میڈیا رپورٹس مطابق تحریک انصاف دے رکن قومی اسمبلی داور کنڈی نے پارٹی چیئرمین عمران خان نوں خط لکھیا اے۔
خط وچ علی امین گنڈا پور بارے آکھیا گیا اے کہ علی امین گنڈا پور تحریک انصاف دی بدنامی دی وجہ بن رہے نیں۔ داور نے الزام لایا اے کہ ڈی آئی خان وچ کُڑی نوں برہنہ کرن والیاں دی علی امین گنڈا پور سرپرستی کر رہے نیں۔ متاثر خاندان نے علی امین گنڈا پور اُتے ملزماں دی سرپرستی دا الزام لایا اے۔ خط وچ مطالبہ کیتا گیا اے کہ وزیر اعلا پرویز خٹک علی امین گنڈا پور نوں چھیتی وزارت دے عہدے توں ہٹان۔
دوجے پاسے علی امین گنڈا پور دا کہنا اے کہ داور خان متاثرہ کُڑی دے رشتے دار نیں۔ داور خان متاثرہ خاندان دی کُڑی توں اپنی مرضی دا بیان دوا رہے نیں۔یاد رہوے کہ کُجھ دن پہلے ڈی آئی خان وچ 16ورھیاں دی معصوم کُڑی نوں ملزماں نے برہنہ کر کے نہ صرف تشدد دا نشانہ بنایا سی بلکہ پورے پنڈ وچ سرعام گھیسٹ کے اوہنوں زلیل کرن دی کوشش وی کیتی سی۔جہدے اُتے پولیس نے ملزماں نوں گرفتار کر دے ہوئے قانونی کارروائی کیتی۔
