کراچی(پاکستان پوائنٹ نیوز09۔نومبر2017ء) سابق صدر و پیپلز پارٹی دے شریک چیئرمین آصف علی زرداری نے آکھیا اے کہ سابق وزیر اعظم نواز شریف اپنی ذات تے خاندان لئی ملکی سلامتی داء اُتے لا رہے نیں۔ اوہ اداریاں نال ٹکر دا خطرناک کھیڈ کھیل رہے نیں۔ اپنے بیان وچ سابق صدر نے آکھیا کہ سابق وزیر اعظم اداریاں نوں کمزور کرنا چاہندے نیں۔ اوہناں دا کہنا سی کہ نواز شریف اپنی ذات تے خاندان لئی ملکی سلامتی داء اُتے لا رہے نیں۔
اوہناں نے آکھیاکہ جتھے ریاستی ادارے تباہ ہون اوہ ملک خانہ جنگی دا شکار ہو جاندے نیں۔ جتھے ریاستی ادارے ٹُٹ جان اوتھے افغانستان تے عراق ورگا حال ہوندا اے تے اوہناں نوں نیٹو وی نہیں سنبھال سکدی۔آصف زرداری نے آکھیا کہ نواز شریف ملک نوں تباہ کر کے نس جان گے پر اسیں ایتھے رہنا اے۔
