ایم کیو ایم دے سابق رہنما آصف حسنین نے پارٹی چھڈن دی وجہ دَس دِتی

کراچی(پاکستان پوائنٹ نیوز30۔اگست 2016ء) ایم کیو ایم دے سابق رہنما آصف حسنین نے پارٹی چھڈن دی وجہ دَس دِتی۔ تفصیل دے مطابق نجی ٹی وی نال گل بات کردے ہوئے آصف حسنین نے آکھیا کہ ایہ سارا کُجھ اچانک نہیں ہویا۔ اوہناں نے آکھیا کہ پچھلے ڈھائی توں تِن مہینیاں دے دوران اجلاس تے تقریراں وچ کیتی گئی گل بات اُتے میرے تحفظات سن۔ اوہناں نے آکھیا کہ غلطیاں دی نشان کاری کرن اُتے مینوں عید دے چوتھے دیہاڑے لندن توں کال آئی تے خوب چڑھائی کیتی گئی۔ اوہناں نے ہور آکھیا کہ ایس صورتحال دے بعد میرا پروگرام وچ آنا بند ہو گیا۔ یاد رہوے کہ ایم کیو ایم دے سابق رہنما آصف حسنین نے پارٹی چھڈ کے ہُن پاک سرزمین وچ رلت کر لئی اے۔