وائٹ ہاؤس نے امریکا وچ پاکستانی سفیر نوں خط لکھن بارے خبراں نوں رَد کر دِتا: ترجمان دفتر خارجا

اسلام آباد(پاکستان پوائنٹ نیوز30۔اگست 2016ء) وائٹ ہاؤس نے امریکا وچ پاکستانی سفیر نوں لکھے گئے خط بارے خبراں نوں رد کر دِتا۔ ترجمان دفتر خارجا پاکستان نفیس زکریا دا کہنا اے کہ وائٹ ہاؤس ولوں امریکا وچ پاکستانی سفیر نوں خط لھکے جان دیاں خبراں بے بنیاد نیں۔ ترجمان نے آکھیا کہ واشنگٹن وچ پاکستانی مشن تے دفتر خارجا نوں وائٹ ہاؤس ولوں انج دا کوئی خط نہیں ملیا۔ یاد رہوے کہ امریکا وچ مشعل اوباما نے پاکستانی سفیر نال ملاقات کیتی سی جہدے بعد ایہ خبر سامنے آئی سی کہ وائٹ ہاؤس نے پاکستانی سفیر نوں خط لکھ کے نجی ملاقات نوں سیاسی رنگ دین اُتے اعتراض کیتا سی پر ہُن وائٹ ہاؤس ولوں انج دے کسے وی خط بارے ساریاں خبراں نوں بے بنیاد قرار دِتا گیا اے۔