پشاور دے حلقہ این اے 4دے ضمنی الیکشن وچ دھاندلی دیاں اطلاعواں ملیاں نیں: امیر مقام

اسلام آباد(پاکستان پوائنٹ نیوز27۔اکتوبر2017ء) وزیراعظم دے مشیر انجینئر امیر مقام نے آکھیا اے کہ پشاور دے حلقہ این اے 4دے ضمنی الیکشن وچ دھاندلیاں دیاں اطلاعواں ملیاں نیں‘ 20ہزار دے لگ بھگ جعلی ووٹ کاسٹ کیتے گئے‘ چھیتی ای ثبوتاں نال اوس دھاندلی نوں ثابت وی کراں گے۔ جمعے نوں اک نجی ٹی وی چینل نال گل بات کردے ہوئے اوہناں نے آکھیاکہ ضمنی الیکشن وچ مجموعی طور اُتے ٹرن آؤٹ اینا چنگا نہیں سی پر اوہدے مگرو ں وی پاکستان تحریک انصاف نے 47ہزار ووٹ کیویں لے لئے۔