نواز شریف دا احتساب عدالت وچ موقف نہ سنیا گیا تے احتجاج کراں گے: زعیم قادری

لاہور(پاکستان پوائنٹ نیوز24۔اکتوبر2017ء) مسلم لیگ (ن) دے مرکزی رہنما زعیم حسین قادری نے آکھیا اے کہ نواز شریف 26اکتوبر نوں احتساب عدالت وچ پیش ہون گے‘ نواز شریف دا موقف نہ سنیا گیا تے احتجاج کراں گے۔ میڈیا رپورٹس مطابق (ن) لیگ دے مرکزی رہنما و صوبائی وزیر زعیم حسین قادری نے واضح کیتا اے کہ نواز شریف سعودی عرب توں کل ملک واپس پہنچ جان گے۔ سابق وزیر اعظم 26اکتوبر نوں احتساب عدالت وچ پیش ہون گے۔

نواز شریف دا موقف نہ سنیا گیا تے احتجاج کراں گے۔ یاد رہوے کہ سابق وزیر اعظم نواز شریف پچھلے دیہاڑے لندن توں سعودی عرب پہنچے جتھے اوہناں نے شاہی خاندان نال ملاقات کیتی۔ ایس موقعے تے اوہناں نال اوہناں دی والدہ وی سن۔ نواز شریف نے اپنی والدہ تے دھی نال عمرہ وی کیتا۔ دوجے پاسے افواہواں کھلریاں نیں کہ نواز شریف نے ملک واپسی دا ارادہ بدل لیا اے۔جہدے کارن اوہ سعودی عرب توں لندن واپس چلے جان گے۔