اسلام آباد(پاکستان پوائنٹ نیوز24۔اکتوبر2017ء) پاکستان تحریک انصاف دی منحرف رہنما عائشہ گلا لئی نے آکھیا اے کہ عمران خان منشیات دے پیسے نال لوکاں نوں نااہل کروانا چاہندے نیں‘ عمران خان دے طالبان نال لنک نیں۔تفصیل مطابق الیکشن کمیشن دے دفتر باہر میڈیا نال گل بات کردے ہوئے عائشہ گلا لئی دا کہنا سی کہ اللہ دا شکر ادا کرنی آں کہ اوہنے مینوں سرخرو کیتا۔
لوک آکھدے نیں کہ نیازی صاحب نوں ووٹ دتے پر اوہنوں نے ساڈی بھیناں تے دھیاں دا احترام نہیں کیتا۔ نیازی صاحب ریاست تے اداریاں اُتے اپنی مرضی مسلط کرنا چاہندے نیں۔ اوہناں دا کہنا سی کہ عمران خان نے پنڈی تے اسلام آباد دے نوجواناں نوں تباہ کر دتا اے۔ 2014دے دھرنے وچ 47کروڑ دی منشیات نوجواناں نوں سپلائی کیتی گئی۔عائشہ گلا لئی دا کہنا سی کہ عمران خان چاہندے نیں کہ نوجوان علم تے ہنر نہیں بلکہ گالھاں سکھن۔
اوہناں دا کہنا سی کہ شیر پاؤ دے جلسے اُتے طالبان دا حملا ہوندا اے پر عمران خان دے جلسے اُتے حملا نہیں ہوندا۔ اج گلی گلی الزاماں دی سیاست شروع ہو گئی اے۔ ڈینگی دے روگی مر رہے نیں پر عمران خان نے اوہناں دی خبر نہ لئی۔اوہناں دا کہنا سی کہ مفاد پرست ٹولے نے پاکستان وچ کرپشن دے ریکارڈ توڑ دتے نیں۔
