اسلام آباد(پاکستان پوائنٹ نیوز19۔اکتوبر2017ء) وفاقی وزیر ریاض پیرزادہ نے پارٹی قیادت شہباز شریف نوں سنبھالن دا مطالبہ کر دتا‘ نواز شریف اُتے کیسز نیں تے اوہ نااہل وی نہیں‘ اوہناں نوں (ن) لیگ دی قیادت نہیں کرنی چاہیدی‘ ملک نوں کسے ٹیکنوکریٹ حکومت دی ضرورت نہیں اے‘ لیڈر جو کردے نیں اسیں بھیڈاں بکریاں وانگ ویکھدے آں۔ اوہناں نے اج پریس کانفرنس کردے ہوئے سابق وزیر اعظم نواز شریف دی پارٹی صدارت دی مخالفت کر دتی۔
ریاض پیرزادہ نے آکھیا کہ (ن) لیگ دی قیادت شہباز شریف نوں سنبھالنی چاہیدی۔ ارشد شریف دا شکر گزار آں جو ارکان اسمبلی بارے فہرست ساہمنے لیایا۔ اوہناں نے آکھیا کہ سانوں امید سی کہ پارلیمنٹ انصاف فراہم کرے گی۔ ارکان اسمبلی نوں انصاف فراہم کرن دی ذمے واری فوج دی نہیں بلکہ پارلیمنٹ دی اے۔ اوہناں نے آکھیا کہ جے اسیں قومی اسمبلی تیکر وی پہنچ جایے تے دہشت گرد اکھواندے آں۔ اوہناں دا کہنا سی کہ میں وی کبوتر وانگ اکھاں بند کر لئیاں نیں کیونکہ اسیں شیشے دے گھر وچ رہ کے پتھر نہیں ما رکسدے۔ اوہناں نے آکھیا کہ ملک وچ بے انصافی ودھ گئی اے۔ میں 99وچ وی پیپلز پارٹی دے ٹکٹ اُتے الیکشن جِتیا سی پر حکومت ختم کر دتی گئی۔
