اسلام آباد(پاکستان پوائنٹ نیوز18۔اکتوبر2017ء) چیف جسٹس آف پاکستان جسٹس ثاقب نثار نے آکھیا اے کہ 26اکتوبر توں سارک کانفرنس لئی سری لنکا جانا اے ایس لئی عمران خان تے جہانگیر ترین کیس دا فیصلا اکٹھا کراں گے۔ سپریم کورٹ وچ جہانگیر ترین نااہلی کیس دی سنوائی ہوئی جہدے وچ جہانگیر ترین دے وکیل سکندر بشیر نے دلائل دتے۔ سنوائی دوران چیف جسٹس پاکستان نے جہانگیر ترین دے وکیل توں پُچھیا کہ اسیں جاننا چاہندے آں شیئرز لئی کِنے پیسے لائے گئے تے اللہ یار نے کِنے دے شیئر خریدے۔
وکیل سکندر بشیر نے موقف اختیار کردے ہوئے آکھیا کہ جہانگیر ترین دے ملازماں نے 4کروڑ 19لکھ دے شیئر خریدے‘ جو11کروڑ 27لکھ وچ ویچے‘ ملازماں نوں پیسے جہانگیر ترین نے دتے سن۔ حصص دی خریداری ویلے جہانگیر ترین وزیر نہیں سن۔ چیف جسٹس نے ریمارکس دتے کہ تُسیں سوالاں دا جواب دین دی بجائے ایدھر اودھر نکل رہے او۔ عمران خان تے جہانگیر ترین کیس دا فیصلا اکٹھا کراں گے۔ ڈونگھیائی نال مقدمیاں نوں ویکھ رہے آں۔ جہدے مگروں عدالت نے ہور سنوائی کل تیکر ملتوی کر دتی۔
