عمران خان دے گھرچھاپا ماریاگیا‘ اوہ نہیں ملے: دانیال عزیز

اسلام آباد(پاکستان پوائنٹ نیوز18۔اکتوبر2017ء) پاکستان مسلم لیگ (ن) دے رہنما و وفاقی وزیر دانیال عزیز نے آکھیا کہ بنی گالا وچ عمران خان دے گھر چھاپا ماریا گیا پر اوہ نہیں ملے۔میڈیا نال گل بات کردے ہوئے اوہناں نے آکھیا کہ انسداد دہشت گردی عدالت نے عمران خان دے دوبارہ وارنٹس جاری کیتے نیں۔ کے پی کے وچ احتساب دفتر نوں تالا لان والیاں نے چیئرمین نیب لئی تن نال تجویز کیتے۔

اوہناں نے آکھیا کہ ایس ایس پی تشدد کیس دی رپورٹ عدالت وچ جمع کرائی جا چکی اے۔ عمران خان نے 1997تے 2002دے کاغذات نامزدگی وچ جھوٹھ بولیا۔ عمران خان بار بار بیان بدل رہے نیں۔ دانیال عزیز دا کہنا سی کہ جس ریکارڈ وچ عمران خان خلاف ثبوت نیں اوہ نہیں منگوایا گیا۔ عمران خان کسے عدالتی حکم نوں معتبر نہیں سمجھدے۔ اوہناں نے آپ منیا کہ جوا کھیڈ کے پارٹی دا قرض لاہیا‘ اوہناں کول بیرونی فنڈنگ دا کوئی ثبوت نہیں۔